Se'en nu tca caja suun 'in um

Cha' nchca la ti' um caja suun 'in um si'ya cha' re tca sten um loo pagina UNTI.

Mdi'in tyaa na quityi cha' tñan loo internet si'yana nchca ti' na xcua cueen cha' tsu'hue 'in Ndiose lo'o ycha' na, a cunta si'yana nsu'hua loo na ycha' nu nchcui' na lo' cuaña'an nchca ti' na si'yana nchgaa nten cha' tñan chu'hui lyoo ne' cha' tsu'hue 'in Ndiose lo'o ycha' ne'.

Ndyaa na xu'hue 'in Ndiose nu nducua ni' cuaan, cui' Ñi nu tlyu la ti cha' cuiya' ntsu'hui yaa', si'ya cha' cuiya' nu mdaa ñi 'in na nu tsaa' pagina re.cui' cuaña'an ndyaa na xu'hue 'in nchgaa jun ta'ana nu ngui'ni tñan ndlyo quityi cha' tñan.

Ticui' cuaña'an ndyaa na xu'hue 'in nchgaa jun ta'a na nu ngui'ni tñan UNTI (jun nu ndlyo scua la ycha' nchcui' nten cua' tyi), si'yana cui' jun mdaa jun nchgaa nan nu jui tñan m'ni 'in na se'en nu tsaa' pagina re.

Cha' nchca ti' um taa um suun lo'o na, uta nde'en la cha' nchca ti' um chcui' um, uta nchca ti' um tayaa' um 'in na si'yana xcua cueen ycha' na sca chcui se'en, tca tsaa um la quichen Xtyun, uta ca'an um sca quityi 'in na loo correo: jacieltiltepec01@gmail.com lo'o hobet1998@gmail.com

cua' xu'hue 'in um