Cuento lca scasca cha' nu ndaa nten cula lo'o sñe' jun, lo' cuaña'an ndijin jun 'in na lo'o ta nten 'in jun. Loo can' nxityiya' su'hua jun lo'o cha' nu ndaa xaa jun a cunta lo'o cha' nu ñi, cui' ña'an nu ndi'in jun. Ndaa jun scasca cuento lo'o scasca tucui si'yana caja cha' nu chcua taa jun xa nducua xitñan' jun, ticui' cuaña'an si'yana nchca ti' jun tsaquiñan nchgaa cha' nu cua' ntsu'hui 'in jun.
Nde tca quija lyoo um tucua snan cuento nu nchcui' nten cha' tñan nu ndi'in se'en lyi'ya loo Biyaa, mdi'in tyaa na 'in na si'yana nchca ti' na lo'o um ca jlyo ti' um cuento can'.
