Qui'an 'a cha' tca cuñi cha' na 'in na loo chendyu se'en ndi'in na re, si'yana nchca ti' na ca jlyo ca ti' na ña'an ndi'in cha' loo chendyu re, una cha' chcua na lo' xisnan na cha' tiyaa 'in na lo'o scasca cha' nu ndyijyin nten chendyu, qui'an 'a cha' nu nchca cu'ni cha'an na si'ya cha' can'. Cuaña'an ndi'in cha' loo chendyu re, cunda scaa tsaan nguiaa ngui'ni cha'an na si'ya cha' ndyijyin na, uta cha' nu ndaa scasca tucui lo'o na ña'an mdijin can' uta ña'an yato'o 'in can', ntsu'hui can' nda'an scua nchgaa cha' can' loo sca quityi, uta chcan' loo ña'an ti si'yana tca cu'ni cunta na 'in na.
Nde tca cu'ni cunta um scasca cha' nu tca xisnan um cha' tiyaa 'in um, cui' scasca cha' nu tca cu'ni cha'an na ña'an yato'o 'in scasca nan, 'ni uta ta'a nten na.
